Xineru 14, 2010 por D. Barreiro
UNA pide que se depuren responsabilidaes pol vertíu d’escombros nel
entornu protexíu n'A Serra de Carondio. Del mesmu mou, piden la
dimisión del Direutor Xeneral de Política Forestal si se prueba que la
información taba na so conocencia.
UNA pide l'aclaración de los fechos “de manera inmediata” y si se
prueba que la información mentada taba en conocencia del señor Joaquín
Arce, Direutor Xeneral de Política Forestal, la dimisión darréu del
mesmu por incumplimientu de funciones y l’agravante de ser un
representante de Los Verdes, “a los que se-yos ha suponer una
sensibilidá especial nestos temes”.
Los vertíos proveníen d'una pista forestal qu'enantes yá fora autorizada pola Direición Xeneral de Política Forestal.
UNA quier manifestar el so desacuerdu total coles polítiques
medioambientales del gobiernu asturianu, y nesti casu cola omisión de
la so función de control de les obres nun entornu protexíu y de gran
valir etnográficu.
Fuente: Asturies.com
Por un futuru sin más estropicios no mediu natural.
